Mananatili Ako Sa'yo

Mananatili akong sa'yo
'di man sa buong buhay ko
kundi sa buong buhay mo.

Mananatili akong pagmamay-ari mo
'di man ako ang kapiling mo
'di man ako ang kalambingan mo.

Asahan mo 'di ako gagaya sa'yo
pagkat ikaw lamang dito sa puso ko.

Mananatili ako sa piling mo.

'Di man ako matanaw ng iyong mga mata
'di man ako mahagkan ng iyong mga labi
'di mo man ako maikulong ng mga bisig mo.

Pero mananatili parin ako
hindi lang dahil sa gusto ko
kundi dahil 'yon ang sinisigaw ng puso ko.


Kaya mananatili ako.
mananatili ako bilang kaibigan mo
mananatili ako bilang isang tao.

Isang tao na handang makinig sayo
isang tao na handang umalalay sayo
kung nanaisin mo.

Mananatili ako sa'yo.

Pero paano ko magagawa yun kung iba na ang gusto mong manatili sa piling mo.
mananatili nalang ba akong alaala?
mananatili nalang ba ako dyan sa pinakasulok ng isip mo?


Paano kaya kung nanatili ka din sa piling ko,
masaya ka din kaya?
yung ngiti mo ngayon tulad din kaya ng ngiti mo
kapag ako ang kasama mo?

Kung nanatili ka kaya sa piling ko, nasan na kaya tayo ngayon?
saan kaya tayo dadalhin ng panahon?

Kung pinilit kaya kita na manatili sakin
matutuloy ba kaya ang pag-iibigan natin?
magiging maganda ba ang kahihinatnan nito?

O baka naman hanggang dito nalang talaga ito
makukuntento nalang ba ako na manatili sa piling mo
kahit na may kapiling ka nang iba..

-KCM-

Popular posts from this blog

Takot Ka Bang Mamatay?

Isang tanong na simple pero mahirap sagutan. Ang mga tao sa mundo ay iba-iba ang opinyon batay sa kanilang persepsyon at paniniwala. Ako? Takot ba akong mamatay? Dati ang nasasagot ko sa tanong na ito ay hindi. Hindi ako takot mamatay. Ngunit sa isipan ko ayokong mamatay na dumaan sa disgrasya, nagkakalasog lasog ang katawan, natatakot akong may ibang taong magbibihis sa akin, natatakot akong may magkulang sa parte ng katawan ko. Nakakatawang isipin pero nang ako ay magkaroon na ng mas matinong pag-iisip, napagtanto kong iyong mga sagot ko dati ay purong isip-bata. Walang malalim na dahilan. Yun bang parang nabuhay ka lang na para sa sarili mo. Sa paglipas ng panahon, tayo ay tumatanda, kasabay ang pagtanda at paglawak ng ating isipan. Ngayong tinatanong ko ang sarili kung takot ba akong mamatay, nag iba na ang aking sagot. Ang dating hindi, naging "oo". Tama, takot akong mamatay lalo't nakita ko ang halaga ng buhay. Lalo't nakita ko ang halaga ng aking p...
Read more
Sabi nila kung mahal mo, ipaglaban mo. Pero di nya ako ipinaglaban. Di nya na ba ako mahal? Ang alam ko kasi mahal niya ako o baka ako nalang yung umaasa. Baka hindi ako karapat-dapat ipaglaban. Sabi nila kung mahal mo, palayain mo. Pinalaya namin ang isa't-isa, baka nga sobrang mahal ko siya at mahal niya ako. O baka hindi na talaga niya ako mahal kaya papalayain na lang. Katulad ng isang ibong inalagaan at minahal ngunit paglipas ng panahon ay kailangan nang palayain mula sa hawlang pinuno ng pagmamahal. Pero mahal ko siya. Pinalaya ko kasi gusto niya. Ayokong ipilit ang sarili ko sa isang taong itinataboy ako o ramdam kong hindi ako ang kailangan niya. Pero mahal ko parin siya. Kailan ba dapat magmahal na di mo kailangang palayain sya o di mo sya kailangang ipaglaban kasi siya mismo ang lalaban para sayo? Kailan ba dapat magmahal para masabi mong nakaayon ang oras,lugar,panahon at pagkakataon? Baka nga hindi lang talaga sapat ang salitang "mahal kita" hindi sap...
Read more

Lilipad Tayo

Dahil hindi ka nawawala sa isip ko elepante, ito para sayo: Ngumiti ka lang at kumpleto na ang araw ko Kumikislap na mga mata mo'y tanaw ko sa malayo Liwanag ay iyong dala sa dating madilim na buhay ko Nagbibigay ningning sa mundo ng aking pagkatao Isa kang anghel na pinadala mula sa langit Upang ipaalala sa akin na ang buhay ay hindi lamang mapapait Kundi tamis din na tulad ng isang hinog na mangga At kending nagpapasaya sa mumunting mga bata Tayo na at lumipad sa mundong ibabaw Pag-ibig na natagpuan ko sa iyo'y umaapaw Ilipad mo ako sa hanging nag-aalis ng mga pangamba At tayo'y magpapadala sa agos ng ating tadhana Titig mong tumutunaw sa pader ng aking pagkabahala Tulad ng sinag ng araw na tumama sa nyebeng dambuhala Ika'y isang yerong nagpoprotekta sa akin Sa tuwing inuulan ako ng aking mga suliranin Pakiramdam ko'y nakakita ng isang diyamante Mula sa bundok na puno ng mga nananakot na higante Wari ko'y ano ba ang dahilang ng aking p...
Read more